Epistemisk aktørskap? Ein casestudie av undervisningsopplegg genererte av kunstig intelligens

Abstract

Framveksten av kunstig intelligens (KI) og særleg introduksjonen av samtaleroboten ChatGPT har hatt stor innverknad på utdanningssektoren. Debattane om samtalerobotar har vore polariserte, og har ofte vore basert på anekdotar framfor systematiske utprøvingar. I denne artikkelen analyserer vi ein casestudie der det er undersøkt korleis undervisning om helse viser seg i KI-genererte undervisningsopplegg i kroppsøving, og kva betydning denne forma for undervisningsplanlegging kan ha for lærarutdanninga. Gjennom ein kvalitativ innhaldsanalyse av undervisningsopplegg generert ved hjelp av tenesta Kroppsøvingsassistenten identifiserer vi tre overordna kategoriar: helse er oppdelt i fysisk, psykisk og sosial helse, struktur og mål for undervisninga er klart definerte og helse er eit område for teoriundervisning. Vi diskuterer funna i lys av omgrepsparet «epistemisk aktørskap», som vektlegg kor viktig det er at studentar er aktive deltakarar i læringsprosessen. I diskusjonen peikar vi på både utfordringar og mogelegheiter ved bruk av samtalerobotar i lærarutdanninga. Vi argumenterer for at epistemisk aktørskap kan fungere som ei rettesnor for å utvikle pedagogiske tilnærmingar som fremjar kritisk tenking og aktiv deltaking blant studentar.

Ähnliche Arbeiten